பேசும் தாரகை

கொக்கட்டிச்சோலை தான்தோன்றீஸ்வரர் ஆலயத் தின் வருடாந்த மஹோற்சவம் September 1, 2011

இலங்கையின் ஐந்து ஈஸ்வரங்களில் ஒன்றான கொக்கட்டிச்சோலை தான்தோன்றீஸ்வரர் ஆலயத்தின் வருடாந்த மஹோற்சவம் நேற்று காலை கொடியேற்றத்துடன் ஆரம்பமானது.

கொக்கட்டிச்சோலை தான்தோன்றீஸ்வரர் ஆலயத்தின் மஹோற்சவத்தையொட்டி கடந்த மூன்று தினங்களாக சாந்தி கர்ம கிரியைகள் இடம்பெற்றுவந்தன. நேற்று காலை மூலமூர்த்திக்கு அபிஷேக பூசையுடன் விசேட பூசை இடம்பெற்றது.

அதனைத் தொடர்ந்து கொடியேற்றத்துக்கான கொடிச்சீலை ஆலயத்தினை சூழ வலம்வந்து கொடிச்சீலைக்கு விசேட பூசைகள் இடம்பெற்றன.

அதனைத் தொடர்ந்து தேவ மேளம் முழங்க மணியோசைகளின் மத்தியில் பக்தர்களின் ஆரோகரா ஓசையுடன் கொடியேற்றம் செய்யப்பட்டு மஹோற்சவம் ஆரம்பமானது.

இதனையடுத்து கம்பத்துக்கு விசேட அபிஷேகம் இடம்பெற்றதுடன் பூசைகள் இடம்பெற்று சுவாமி உள்வீதி வலம்வரும் நிகழ்வு இடம்பெற்றது. கிழக்கின் தேரோடும் கோயில் என்னும் பெருமையினையும் கொண்ட ஆலயத்தின் தேரோட்டம் 18ஆம் திகதி இடம்பெறவுள்ளதாக ஆலய பரிபாலன சபையினர் தெரிவித்தனர்.

நிந்தவூர் சீ. ஓ. லெஸ்தகீர் சர்வதே ச பாடசாலையின் வருடாந்த பரிசளிப் பு விழா August 15, 2011

நிந்தவூர் சீ. ஓ. லெஸ்தகீர் சர்வதேச பாடசாலையின் வருடாந்த பரிசளிப்பு விழா கல்லூரியின் கேட்போர் கூடத்தில் இடம்பெற்றது.

கல்லூரி அதிபர் ஐ.எம்.இஸ்ஸதீன் தலைமையில் இடம்பெற்ற மேற்படி நிகழ்வில் திகாமடுல்ல மாவட்ட பாராளுமன்ற உறுப்பினர் பைஸல் காசிம் பிரதம அதிதியாகவும் , தென்கிழக்கு பல்கலைக்கழக உபவேந்தர் கலாநிதி எஸ்.எம்.இஸ்மாயில் கௌரவ அதிதியாகவும் கலந்து கொண்டனர்.பல்துறைகளிலும் திறமை காட்டிய மாணவர்கள் பரிசு வழங்கி கௌரவிக்கப்பட்டதுடன் மாணவர்களின் கலை நிகழ்வுகளும் இடம்பெற்றன . பெரும் தொகையான பெற்றோர்கள் கலந்து கொண்டனர்.

சாய்ந்தமருது அல்-ஹிலால் வித்திய ாலயத்தில் 19 ஆசிரியர்களுக்கான சே வை நலன் பாராட்டு விழா August 15, 2011

சாய்ந்தமருது அல்-ஹிலால் வித்தியாலயத்தில் 19 ஆசிரியர்களுக்கான சேவை நலன் பாராட்டு விழா பாடசாலையின் கூட்டமண்டபத்தில் அதிபர் திருமதி ஹுசைமா லத்தீப் தலைமையில் நடைபெற்றது.

மேற்படி பாடசாலையில் கடந்த 10 தொடக்கம் 17 ஆண்டுகளாக சேவையாற்றி அண்மையில் வேறு பாடசாலைகளுக்கு இடமாற்றம் பெற்றுச் சென்ற 19 ஆசிரியர்களும் இப்பாடசாலைக்கு செய்த சேவைகளை கௌரவித்தே இந்த நிகழ்வு ஒழுங்கு செய்யப்படடிருந்தது.

இந் நிகழ்வுக்கு கல்முனை கல்வி வலயத்தின் பிரதிக் கல்விப் பணிப்பாளர் பி.சிவப்பிரகாசம் பிரதம அதிதியாகவும் சாய்ந்தமருது கோட்டக்கல்வி அதிகாரி ஏ.எல்.எம்.முபாறக் மௌலவி கௌரவ அதிதியாகவும் கலந்து கொண்டனர்.