பேசும் தாரகை

வடஅயர்லாந்துப் பிராந்தியத்தில் நடந்த துப்பாக்கிச் சூடு பற்றி பிரிட்டிஷ் பிரதமர் கோர்டன் பிறவுண்ஸ் ஒருவாரத்துக்குள்ளாகவே இரண்டு தடைவைகள் பேசியிருக்கிறார். இதன் மூலம் அந்தக் சம்பவங்களின் காரணமாக பிரிட்டிஷில் ஏற்பட்டிருக்கிற பிரச்சினையின் கடுமை தெரிகிறது.

இந்த விடயம் குறித்து பேசிய அவர் ஒரு பெரிய அரசியல் நடவடிக்கையை ஒரு சிலர் மட்டும் குலைத்துப் பாழ் பண்ண ஒரு போதும் இடமளிக்கப்படமாட்டாது. பொலிஸ் உத்தியோகத்தர் கொல்லப்பட்ட சம்பவத்தைக் கேட்டவுடனேயே எனது சிந்தனையில் முதலில் வந்தவர்கள் அவருடைய குடும்பத்தினரும் வீரமும் தைரியமும் மிக்க அந்தப்பொலிஸ்காரரும் தான். தினம் தினம் அதிகரித்து வரும் ஆபத்துக்களை எதிர் கொள்ளும் அதுவும் வட அயர்லாந்தில் அதிகரித்துவரும் ஆபத்துக்ளை எதிர்கொள்ளும் பொலிஸ்காரர்களும் தான்.

ஆனாலும் முந்தைய இருண்ட காலம் ஏற்படுவதற்கு இடம் தரப்பட அயர்லாந்தின் அரசியல்வாதிகள் அனைவரும் திட்டவட்டமாக விரும்ப மாட்டார்கள் என்பதனைத் தெளிவுபடுத்தி இருக்கிறார்கள் என நான் நம்புகிறேன். அத்துடன் வெளிச்சத்தை நோக்கி நகர வேண்டும் என்றே அவர்கள் விரும்புகிறார்கள் வன்முறையை வேரறுக்க வேண்டும் என்றே அவர்கள் தெளிவாக இருக்கிறர்கள். தற்போது நடந்திருக்கிற இந்த இரண்டு சம்பவங்கள் பற்றி விபரமறிந்தவர்கள் குற்றவாளிகளைக் கண்டு பிடிக்க ஒத்துழைப்பு வழங்க வேண்டும் எனக் கோரிக்கை விடுத்திருக்கிறார். (more…)