கடந்த 10 நாட்களாக சுகவீனமுற்ற நிலையில் வவுனியா பொது வைத்தியசாலையின் அவசர சிகிச்சைப் பிரிவில் சிகிச்சை பெற்று வந்த இவர், இன்று ஞாயிற்றுக்கிழமை அதிகாலை 12.30 மணியளவில் சிகிச்சை பலனின்றி உயிரிழந்துள்ளார்.

தம்பு விவேகராசா கடந்த 30 வருடங்களுக்கு மேலாக ஊடகத்துறையில் சேவையாற்றி வருவதோடு வன்னி ஊடகவியலாளர் சங்கத்தின் செயலாளராகவும் செயற்பட்டு வந்தமை குறிப்பிடத்தக்கது.

கொக்கட்டிச்சோலை தான்தோன்றீஸ்வரர் ஆலயத்தின் மஹோற்சவத்தையொட்டி கடந்த மூன்று தினங்களாக சாந்தி கர்ம கிரியைகள் இடம்பெற்றுவந்தன. நேற்று காலை மூலமூர்த்திக்கு அபிஷேக பூசையுடன் விசேட பூசை இடம்பெற்றது.

அதனைத் தொடர்ந்து கொடியேற்றத்துக்கான கொடிச்சீலை ஆலயத்தினை சூழ வலம்வந்து கொடிச்சீலைக்கு விசேட பூசைகள் இடம்பெற்றன.

அதனைத் தொடர்ந்து தேவ மேளம் முழங்க மணியோசைகளின் மத்தியில் பக்தர்களின் ஆரோகரா ஓசையுடன் கொடியேற்றம் செய்யப்பட்டு மஹோற்சவம் ஆரம்பமானது.

இதனையடுத்து கம்பத்துக்கு விசேட அபிஷேகம் இடம்பெற்றதுடன் பூசைகள் இடம்பெற்று சுவாமி உள்வீதி வலம்வரும் நிகழ்வு இடம்பெற்றது. கிழக்கின் தேரோடும் கோயில் என்னும் பெருமையினையும் கொண்ட ஆலயத்தின் தேரோட்டம் 18ஆம் திகதி இடம்பெறவுள்ளதாக ஆலய பரிபாலன சபையினர் தெரிவித்தனர்.

கரவெட்டி, விளாவட்டவான், நாவற்காடு, ஈச்சந்தீவு, மங்கிக்கட்டு, வவுணதீவு ஆகிய கிராம மக்கள் வவுணதீவு பிரதேச செயலகத்தை நோக்கி சென்றவேளையில் பிரதேச செயலகம் மக்கள் வருகை கண்டு மூடப்பட்டது. அதையடுத்து பொதுமக்கள் வவுணதீவு பொலிஸ் நிலையத்தை சூழ்ந்து வீதி மறியல் போராட்டத்தில் ஈடுபட்டனர்.

மட்டக்களப்பு வவுணதீவு பிரதேச செயலாளர் பிரிவிலுள்ள கரவெட்டி என்னும் கிராமத்துக்கு நேற்று செவ்வாய்க்கிழமை சிவில் உடையில் இருவர் 4 உணவுப் பொதிகள் மற்றும் பனிஸ் போன்ற உணவு பொருட்கள் சகிதம் வந்ததாகவும் இன்னும் இருவர் மோட்டார் சைக்கிளில் கொண்டு வந்து இறக்கிவிடப்பட்டதாகவும் தெரிவிக்கப்படுகிறது.

இவ்வேளை, மர்ம மனிதன் பிரச்சினையால் கிராமங்களில் பாதுகாப்பின் நிமித்தம் பொல்லுகளுடன் காவலில் இருந்த இளைஞர்கள், மேற்படி இருவரையும் கைதுசெய்து கட்டிப் போட்டுள்ளனர். ஆனால், தாங்கள் வவுணதீவு பொலிஸ் பிரிவினரென கூறியதும் விடுதலை செய்தனர். ஆனாலும் மர்ம மனிதன் பிரச்சினை உள்ள வேளை இவர்கள் சிவில் உடையில் வந்தமை குறித்து சந்தேகம்
தெரிவித்தனர். அதன் பின் வவுணதீவு பொலிஸ் பிரிவினர் ஜீப்பில் வந்தபோது மக்களுக்கு பொலிஸாருக்கும் இடையில் வாக்குவாதம் ஏற்பட்டது.
இதையடுத்து, ஆர்ப்பாட்டத்தில் ஈடுபட்ட மக்கள் வீதிகளில் டயர்கள் போட்டு எரித்தனர்.

இதன் பின் சம்பவ இடத்துக்கு மக்கள் அழைப்பின் பேரில் வந்த மட்டக்களப்பு மாவட்ட தமிழ் தேசிய கூட்டமைப்பின் நாடாளுமன்ற உறுப்பினர்களான
சீ.யோகேஸ்வரன், பொன்.செல்வராசா, பா.அரியநேந்திரன் ஆகியோர் மாவட்ட பொலிஸ் அத்தியட்சகர் உட்பட பொலிஸ் பிரிவு மேலதிகாரிகளுடன் தொடர்புகொண்டு வவுணதீவு பொலிஸ் பொறுப்பதிகாரியுடன் கதைத்து நிலைமையை சீரமைத்தனர்.

இதன் நிமித்தம் வவுணதீவு பொலிஸார் மாலை 6.00 மணி தொடக்கம் மறுநாள் காலை 6.00 மணி வரை கிராம பாதுகாப்புக்கு செல்வது தற்காலிகமாக
தடைசெய்யப்பட்டதுடன் பகலில் அக்கிராமங்களில் கடமையின் நிமித்தம் செல்வோர் கிராம அதிகாரியுடன் செல்வதெனவும் வவுணதீவு பொலிஸ் நிலையத்திலுள்ளவர்களின் பெயர், புகைப்படங்களை பொலிஸ் நிலைய வாயிலில் ஒட்டி வைப்பது உட்பட்ட தீர்மானங்களை எடுத்துள்ளனர்.

இதன் பின் நாடாளுமன்ற உறுப்பினர்கள் மக்களுடன் கதைத்து ஆர்ப்பாட்டத்தை நிறுத்தச் செய்துள்ளனர். கிழக்கு மாகாணசபை உறுப்பினர் எட்வின் சில்வா கிருஸ்ணானந்தராஜா, பிரதேச தவிசாளர் எஸ்.பிறைசூடி, எதிர்க்கட்சித் தலைவர் எஸ்.நிமலன் ஆகியோரும் அங்கு பிரசன்னமாகியிருந்தனர்.

ஆர்ப்பாட்டத்தில் ஈடுபட்டோர் தொடர்ச்சியாக இரவில் இனந்தெரியாத மர்ம மனிதர்கள் வருவதாகவும் வீடுகளுக்குள் புகுவதாகவும் பெண்களை குறிவைத்து பலாத்காரத்தில் ஈடுபட முயற்சிப்பதாகவும் இதனால் இரவில் நித்திரை கொள்ள முடியதுள்ளதாகவும் தெரிவித்தனர்.இதனால் தங்களது பிள்ளைகளின் கல்வி பாதிப்பதாகவும் பரீட்சை எழுதுவம் மாணவர்கள் பரீட்சைக்கு தயார்படுத்த முடியாமல் இருப்பதாகவும் தெரிவித்தனர்.

சம்பவ இடத்திற்கு சென்ற தமிழ்த் தேசியக் கூட்டமைப்பு பாராளுமன்ற உறுப்பினர்களான பொன.செல்வராசா,சீ.யோகேஸ்வரன,பா.அரியநேத்திரன் ஆகியோரிடம் தங்களுக்கு வவுணதீவுப் பொலிஸ் பொலிஸ் மீது நம்பிக்கையில்லை பொலிஸ் நிலையத்தை அகற்ற வேண்டும் எனும் கோரிக்கையை முன்வைத்தனர்.

இதற்குப் பதிலழித்த பாராளுமன்ற ஊறுப்பினர்கள் பொலிஸ் சிவில் பாதுகாப்பினை மேற்கொள்வது பொலிஸ் நிலையத்தை அகற்ற முடியாது எங்களின் பாதுகாப்பிற்கு பொலிஸ் இருந்தே ஆக வேண்டும் எனத் தெரிவித்தனர்.

இதனையடுத்து பொது மக்கள் தற்போது சேவையில் உள்ளவர்களை இடமாற்றி பொறுப்பு வாய்ந்த அதிகாரி ஒருவரை தமிழராக நியமிக்குமாறு கோரிக்கை விடுத்தனர்.

சம்பவ இடத்தில் இருந்து பாராளுமன்ற உறுப்பினர்கள் மட்டக்களப்பு சிரேஷ்ட பொலிஸ் அத்தியகட்சரிடம் தொடர்பு கொண்டு பொது மக்களின் கோரிக்கையை முன்வைத்தபோது சிரேஷ்ட பொலிஸ் அத்தியட்சகர் இன்று மாலை 5 மணிக்கு கொக்கட்டிச்சோலை தான்தோறீஸ்வரர் ஆலயத்தில் நடைபெறவிருக்கும் கூட்டத்தில் இவர்கள் சார்பில் 10பேரை கலந்து கொள்ளுமாறும் அக் கூட்டத்தில் அவர்களிடம் பிரச்சினையை கேட்டறிந்து அவர்களது கோரிக்கையை நிறைவேற்றுவதாகவும் தெரிவித்ததாகவும் பாராளுமன்ற உறுப்பினர்கள் பொது மக்களிடம்
தெரிவித்ததுடன் தாங்கள் பொலிஸாரை மாற்றித் தருவதாக வழங்கிய
உத்தரவாதத்தினை தொடர்ந்து ஆர்ப்பாட்டம் கைவிடப்பட்டது.

இதற்கு ஆதரவு தெரிவித்து மாநகர முதல்வர் சிவகீதா பிரபாகரன்,
மண்முனைப்பற்று பிரதேச சபைத் தவிசாளர் சசிதரன் கிரிஸ்ரினா, வவுணதீவு பிரதேச சபையின் எதிர்க்கட்சித் தலைவர் கே.விமலநாதன், மாநகர சபை உறுப்பினர் கிருபைராஜா உட்பட மக்கள் பிரதி நிதிகள், இவ் ஆர்ப்பாட்டத்தில் இணைந்து கொண்டு தங்களது எதிர்ப்பினை வெளிப்படுத்தி அவர்களுடன் இணைந்து வீதியை மறித்து எதிர்ப்பில் ஈடுபட்டனர்.

இங்கு ஆர்ப்பாட்டத்தில் ஈடுபட்டோர் தற்போது மாணவர்களுக்கான
உயர்தரப்பரீட்சை இடம்பெறுகின்ற நிலையில் மாணவர்களை பரீட்சைக்குத் தயார்படுத்த முடியாத அளவுக:கு இந்த மர்ம மனிதர் பிரச்சினை பாரிய சிக்கலை ஏற்படுத்தி வருவதாகவும், சிறுவர்கள் முதல் பெரியவர்கள் வரை பாரிய உளரீதியான பிரச்சினைக:கு முகம் கொடுத்து வருவதாகவும் தெரிவித்ததுடன், தங்களது பகுதிக்குள் நுழையும், மர்ம மனிதர்கள் விமான நிலையம், மற்றும் சேத்துக்குடா பொலிஸ் அரண் போன்ற பகுதிகளுக்குள்ளே தப்பிச் செல்வதாக தப்பிச் செல்வதாக குற்றம் சுமத்தியதுடன் ஊரின் மத்தியில் அமைந்துள்ள சேத்துக்குடா பொலிஸ் காவல் அரணை உடனடியாக அகற்றுமாறும் வேண்டுகோள் முன்வைத்தனர்

இங்கு வருகை தந்த மேற்படி மாநகர முதல்வர், பிரதேச சபைத் தவிசாளர் உட்பட மக்கள் பிரதிநிதிகள் பொது மக்களின் கோரிக்கைக்கு ஆதரவு தெரிவித்து தாங்களும் ஆர்ப்பாட்டத்தில் ஈடுபட்டனர்.

ஆர்ப்பாட்டத்தில் ஈடுபட்டோர் வீதிகளில் ரயர்களை எரித்து வீதித்தடையை ஏற்படுத்தினர், இதனால் மட்டக்களப்பு நகரிலிருந்து
படுவான்கரைப்பகுதிக:குச் செல்லும் அரச உத்தியோகத்தர்களும் விவசாய நடவடிக்கைகளுக்காகச் செல்பவர்களும், படுவான்கரையிலிருந்து மட்டக்களப்பு நகருக்கு வருபவர்களும் போக்குவரத்து துண்டிக்கப்பட்டது.